अहाँ कि जनैत रहि?

मिथिला मे लोक-साहित्य क परंपरा बड्ड पुरान अछि। अहाँ कि जनैत रहि, आइ मिथिला मे "बुझौअलि" क नाम से प्रचलित बुद्धि क परीक्षण  क खेल संस्कृत भाषा क "प्रहेलिका" परम्पराक क वंशज अछि। अन्य भारतीय भाषा सभ मे "प्रहेलिका" कोनो-न-कोनो रूप में आ कोनो-न-कोनो नाम सँ आइयो प्रचलित अछि, मुदा मिथिला मे बुद्धि-परीक्षण क खेल नव स्वरूप लेलकय, जेकर उदाहरण अन्य भारतीय भाषा में नय भेंटय छय।

एहन एकटा स्वरूप भेल "अहियारी।" बीतल सदी क नब्बे के दशक तक (जहिया धरि हम मिथिला मे बियाह देखने छियय), मिथिला क बियाह में सराती-गण दुआरि लगबाक क पश्चात बराती क स्वागत आ दूल्हा क बुद्धिमत्ता क परीक्षण "अहियारी" से करैत जाय रहय। हँसी-ठट्टा, नोक-झोंक, कहा-सुनी क अन्त त' सदैव बराती क पक्ष में होयत रहय, मुदा विवाह आयोजन संबंधी तनाव क लोप भ' जायत रहय। दूल्हा के संगे दुनू दिस के पाहुन (घर क बेटी क दूल्हा) सभक "अहियारी" मे विशिष्ट भूमिका रहय छलय। (आशा अछि जे मिथिला क बियाह मे "अहियारी" क परम्परा आइयो चलि रहल छय।)

मैथिली एवं मैथिली से जुड़ल मिथिला क संस्कृति एहन अछि, जाहि मे नेना-भुटका लेल बुद्धि क परीक्षण क खेल क अलग नाम अछि। "पिहानी" बच्चा सभ लेल "बुझौअलि" अछि। एहि लोक-परम्परा क विशिष्ट नाम हमर जानकारी मे आन कोनो भारतीय भाषा मे नहि छय। इ समस्त मैथिल समाज लेल गौरव क विषय छय।  

मिथिला मे "बुझौअलि" क आर एकटा वर्ग रहय, जेकर नाम "कूट" छल। "कूट" साहित्यिक "बुझौअलि" क श्रेणी में आबयत अछि।  

लागय अछि जे आइ "पिहानी", "कूट" आ "बुझौअलि" क अन्तर मैथिल समाज में समाप्त भ' गेल छय आ क्रमशः लोक-स्मृति सँ "पिहानी" आ "कूट" दुनू क लोप भ' रहल छय, मुदा लोक-परम्परा इ धरोहर के बचाय के रखनाय बड्ड जरूरी अछि। 

हमरो "अहियारी", "पिहानी" आ "कूट" क जानकारी Encyclopedia of Indian Literature, Vol 1, ed. Amaresh Dutta, Sahitya Akademi, 1987, page 106 से भेंटल। 


हम सभ के प्रयास करना चाहि जे "अहियारी", "पिहानी" आ "कूट" बुझौअलि क जे धरोहर छल, तेकरा एकत्रित कय भविष्य लेल सुरक्षित कय सकि। अहाँ क स्मृति मे जदि "अहियारी", "पिहानी" आ "कूट" क उदाहरण छय आ एकर प्रकाशन क जानकारी, ते कमेंट द्वारा हमरा से संपर्क करू। हम https://mithilakbujhaual.blogspot.com पर अहाँक नाम सह अपनेक योगदान प्रकाशित करबय। 

जदि हम सब मिल कय मिथिला क भाषा, संस्कृति, साहित्य एवं लोक-परम्परा संरक्षण आ पोषण नहि करि, ते इ काज के करत?    

- प्रणव कुमार सिंह, नॉएडा

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

बूढ़ी नानी क बुझौअलि

चित्र
 मिथिला मे बुझौअलि पुछय-बुझय क परिपाटी बड्ड पुरान अछि। बियाहक समय बराती-सराती क बुझौवल सँ नोंक-झोंक, बड़ सभक नैना-भुटका सँ बुझौवल क खेल खेलानाय मिथिलाक केकरा नहि मन हैत! बुझौअलि सँ मनोरंजन क संगे ज्ञान ओ बढ़ैत छै आ अपन भाषा, भाषा क चमत्कार, संस्कृति आ परिवेश सँ पीढ़ी-स-पीढ़ी लोग जुड़ल रहैत छय।  मनोरंजन आ अपन माइट-पाइन से जुड़ल राखि लेल, हमर बूढ़ी नानी (जया देवी, १९००-१९९४; प्रबोध नारायण सिंह क माय; ग्राम - सहमौरा; जिला - सहरसा) कलकत्ता शहर में रहैत-बड़ होइत हम सभ सौं साँझ के गइल सदी क सत्तर आ अस्सी दशक मे भाँति-भाँति क बुझौवल पुछथि, आ हम सभ ओकर उत्तर खोजबाक प्रयास करतौन। ओहि समय खिस्सा आ बुझौअलि मनोरंजनक सबसँ पैघ साधन छल . . . कलकत्तो मे किये न साँझ मे प्रायः बत्ती गुल भ' जाय रहै आ खेल के एबाक बाद आ लालटेन क इजोत मे पढ़ाई आरम्भ करय स पहिने अथवा सुतय जाय से पहिने बूढ़ी नानी क खिस्सा आ बुझौअलि बिना सुनने ऊँघी त' आबैत ए नहि छल ।    किछ दिन पहिने अपन किताब-कागज क अम्बार में हमर एकटा कॉपी भेंटल। ताहि मे बूढ़ी नानी द्वारा पूछल किछ बुझौअलि लिखल रहय। ओहि सभ बुझौअलि अपने सभ लेल इहाँ दय ...
और पढ़ें

बूढ़ी नानी क बुझौअलि

हमर बूढ़ी नानी हम नेना-भुटका सभ सँ "एक रत्ति क" कतेक बुझौअलि पूछने रहथि।  ओहि मे जे यादि छय, से सभ अहाँ लोकनि सँ पूछि रहल छी। १) एक रत्ती क मुसरी, पुआर तर घुसरी। २) एक रत्ती क छौरी क कसल बाँहि। ३) एक रत्ती क भाउल मियाँ, बड़का गो पुछरी। ४) एक रत्ती क छौरी क लाल घघरी। ५) एक रत्ती क फुदकी, फुदकल जाय, सौंसे धरमपुर लुटने जाय। मिथिला क किछ भाग मे "एक रत्ती क  . . ."  बुझौअलि क आर दू टा रूप अछि - "तनि गो . . ." आ "नान्हिटा  . . ." अहाँ इ बुझौअलि  कय  कोनो रूप मे देखु, अहाँ कय मिथिला क रंग भेंटत। एहि बुझौअलि सभ के अहाँ बुझू ते जानि  . . . अपन उत्तर नींचा कमेन्ट मे लिखू !    
और पढ़ें

मिथिला मे देखाइ ते पड़ै, परन्तु न फरय न फुलाय . . .

मिथिला क बुझौअलि मे आइ एहन बुझौअलि देल गेल छै जे मिथिला मे देखाइ ते पड़ै छै,  परन्तु  एतय न फरय न   फुलाय  छै!  इ बुझौअलि सभ' कय बुझू ते जानि  . . .   | १ |  फरय न  फुलाय ढाकी-ढाकी बहराय। | २ |  फरय न  फूलाय ढाकी-ढाकी बिकाय | ३ | फरय न फूलाय उपरे उड़ल जाय | ४ | फरय न  फुलाय सुरंग-सुरंग बढ़ल जाय | ५ | फरय न फुलाय कान सँ बहराय | ६ | फरय न फुलाय  बढ़ले जाय  एतय देल बुझौअलि मे से पहिल चारि हमर स्वर्गीय बाबूजी प्रेम शंकर सिंह (ग्राम - जोगिआरा, जिला - दरभंगा) क मिथिला क बुझौअलि संकलन आ शेष दू टा पारम्परिक 'फरय न फुलाय' जकाँ नवनिर्मित बुझौअलि अछि।  अहुँ 'फरय न फुलाय' बुझौअलि बनाय कय भेजि सकैत छी।  - प्रणव कुमार सिंह, नॉएडा  ***   अपन उत्तर जाँचै लेल नीचाँ स्क्रोल करू  . . .  > > > > > > > > > > > > > > > > > > > > > > > > > | १ | छाउर | २ | नोन | ३ | धुइयाँ | ४ | बाँस | ५ | गुज्जी ...
और पढ़ें